Homeland: Iraq Year Zero ★★★★½

شفت في السينما كثير وحزنت كثير وكنت اعتقد اني مستحيل ابكي عند مشاهدة عمل .. للاسف كنت مخطي

هذا العمل اكل قلبي حرفياً .. كل الي شفته عن العراق من مشاهد للناس والشوارع والمباني والتماثيل كل شي كان يختلف عن الصوره الي في بالي بكثير

كنت ومازلت احب بلاد الرافدين واحب فنه وتاريخه الي راح بسبب غلطات سياسيه .. محبتي للعراق تخليني اتمنى اشوف مثل هالعمل من زمان واخيراً لقى من يصنعه بهالطريقه العظيمه


عمل عظيم واعظم مافيه ان العمل تجرد من الانحياز لجهه ضد جهه كان عن العراق وبس .. شفنا فيه الناس الي امنو بوجود امريكا والي اعتبروها خلاص .. وشفنا الي مازالو يؤمنون بوجود صدام وان الحزم يحتاج مثله حتى لو كان تغيير افكارهم بسبب ان الكهرباء بعهد صدام كانت افضل منها الان .. شفنا الامن واختلاله كيف يسوي باهل حي واحد وكيف الناس تقتل بعضها لاسباب بسيطه .. كيف افكار الناس تتغير مع الجوع كيف المواطن يسرق وطنه وكيف المواطن الاخر يقول مهما سرقو هذي مو لي مستحيل اسرق مثلهم .. شفنا الاطفال وهموهم الصغيره  .. عمل جميل جداً واجمل مافيه انه كان عن العراق وللعراق فقط لاغير حتى بفترة وجود الامريكان .. مافيه تواجد للامريكان الا ذكر فقط ومشاهد معدوده بمرورهم بالطريق او وجودهم عند حاجز امني .. المخرج جاب الدمار بابسط صوره .. لكن بتاثير اكبر مااختار انه يصور القتلى ولا الاشلاء ولا سقوط التماثيل وتكسيرها كان انطلاق التوثيق من عايلته الى عوائل العراق الصغيره الى الناس البسطاء الي مالهم صوت حتى صار عن العراق كله ..

باختصار عمل راح يخُلد في السينما العراقيه والعربيه وراح يعتبروه وثيقه لكثير من الاحداث ..

alnaiiiif liked this review