The Irishman ★★★★

من زمان ماشفت فلم ومن زمان ماكتبت عن فلم .. 
وبعترف اعتراف قبل ابدا انا عندي مشكله قديمه جداً مع سكورسيزي  ومع الزمن قاعده تزيد ولا تنحل حتى مع اعادة افلامه
احب سكورسيزي كمخرج وشهادتي فيه مجروحه ولو فيه قائمه لافضل 100 مخرج ماراح اقتنع فيها لو ماهو فيها .. لكن عندي مشكله مع جانبه الاجرامي والي هو سبب شهرته
 .. 
حتى اكون ظالم شوي واحب التعميم بقول ان افلام سكورسيزي الجماهيريه الاولى وتحديداً تاكسي درايفر ورفقه طيبه هي الي شكلت ذائقة الشعب السعودي في افلام الجريمه لذلك سكورسيزي  مستحيل يُمس وكأنه اله هالنوع من الافلام .. وللاسف ان بداية معرفتي بمتابعة الافلام عن طريق الاسماء  سبقت معرفتي بسكورسيزي وافلامه ولما وصلت لسكورسيزي كنت متشبع افلام نقيه وكنت ظالم لتقييمه .. اعدت افلامه وتابعت معظم افلامه ولكن مازلت عند رايي في تاكسي درايفر ورفقه طيبه .. تاكسي درايفر فلم جميل لكن مازلت عند رايي انه مايستحق المكانه الي هو فيها .. صحبه طيبه فلم عادي ممل هذي مقدمه فقط حتى مايؤخذ برايي مقارنه بالكفر الي فوق ..  وحتى اقول ان هالفلم استمرار للعاديه الي انا اشوف فيها افلام الجريمه عند سكورسيزي
للاسف ماعطيت الفلم اهتمام ولا رفعت سقف الامال لكن برضو خيب امالي الكلام عنه .. كلاً له ذوقه ولكن ان يكون فلم عظيم  شوي بكون شخص يصادر الاراء لاني مؤمن ان من احبوه شمو فيه ريحة افلام هوليود بالتسعينات ايام بداية المتابعه .. من هالناحيه فقط انا قيمته 8 لكن عند العلامه الكامله والعظمه انا راح امسكه من هالنقطه واشرحه حبه حبه .. واتسائل عظيم من اي ناحيه ؟
كثير افلام اطلق عليها عظيم لسبب واحد .. اثر فيني وصلني ، كان فلم يستحق المشاهده ، ماضاع وقتي واسباب كثير غير فنيه بحته .. وهالفلم ماوصلني بولا واحد من هالاسباب .. 
حلو التسلسل في انه شخص تجرد من شخصيته وصار يقتل بدون سبب وو الخ الخ بس وش الجديد شفتها كثير بكثير افلام .. هل ابدع سكورسيري بالاخراج ؟ ابداً .. مكرر لدرجة الملل هل اداء دينيرو عظيم ؟ للاسف لا .. وفيه اجزاء ودي اقول ارحمو شيباته لايتكسر وقت التصوير .. محاولة استخدام التقنيه بمشاهد يفشل اكثر من انه ابداع .. هل الكاست استفاد منه بالشكل المطلوب ؟ لا وكأني اشوف حفل اعتزال لهالعمالقه تم بشكل غبي 
هل السيناريو جبار ؟ لا .. من البدايه الى النهايه وانا متملل مااحس اني اشوف بناء متماسك احس بعشوائيه وتمطيط شنيع ممكن لو كان الفلم ساعتين كان افضل ..  العمل كان رتيب وغير صادم ماصدمني الا بالنهايه الي فعلا تشفع للعمل ورفعت من اسهمه لكن ولو يضل فلم مكرر كاني شفته كثير مافيه اي جديد يخليني اقول فعلا يستحق العلامه الكامله . الفلم بمجمله فلم جريمه لايمت للجريمه بصله مافيه تفسير للجرايم فيه عشوائيه .. فلم بسيط وانا بطبعي اكره ان يقال عن البساطه كلام اكبر منها .. احب الفلم البسيط ماحب التعقيد لكن مستحيل اعتبر البساطه عبقريه ابداً .. فلم جيد جداً .. ممل باغلب اوقاته .. مكتوب على عجل لنتفلكس اعلاناته بكل  شارع كانه يقول حبوني غصب .. لا ماحبيتك