اول مره اشوف فيها الفيلم كامل من بعد اخر مره شوفته فيها علي ميلودي افلام تقريبا
احا يجدعان عالعظمه انا كنت عارف ان الفيلم جامد بس مش للدرجه دي
دي احسن حاجه احمد مكي عملها فحياته فيلم روش فشخ
اختيار الشخصيات عبقري بالذات دوده وخالد الغندور اللي مفيش حاجه تخليني احبه غير مشاهده فالفيلم ده وهايدي اللي هي اخت احمد مكي وهاله فاخر كانت عظمه
الحتت اللي كان احمد مكي بيعلق فيها بصوته ضحك فشخ
اتمني ان حد يبقي عنده الجرأه ويعمل افلام من النوعيه دي تاني لان الفيلم لما اتعرض محدش دخله حرفيا

recommended فشخ
عظيم جدا جدا اداء وقصه وكل حاجه
مرات سليم دي صعبت عليا فشخ بس طلعت
رجوله الحقيقه وسليم ده يستاهل يتفشخ عشان خاين وبيطبع كمان
فالنهايه انا شايف ان مهما حصل ومهما كانت في محاولات انهم يحسسونا ان اسرائيل دي امر واقع واننا المفروض نتعامل معاهم عادي هتفضل اسرائيل هي العدو الرئيسي لينا والتعامل معاهم ده جريمه وخيانه
وكما قال شعبولا الله يرحمه
انا بكره اسرائيل وبقولها لو اتسأل
انشاالله اموت قتيل او اخش المعتقل
اييييييه

كفيلم مصرى فالفتره دى فهو يعتبر حلو فشخ لايخلو طبعا من بعض السذاجه والافوره خصوصا من عباس ابو الحسن البضان وفيه شويه حشو كدا بيدوا للفيلم هويته المصريه
 بالنسبالى احسن حاجتين فالفيلم انه فكرنى بالاحلام الورديه اللى حلمناها بعد رحيل مبارك والصوره اللى تخيلناها لمستقبل البلد ومستقبلنا وسقف توقعاتنا اللى عليناه اوى لغايه ماوقع علينا واداء منه شلبى اللى كان عظيم بحق او مش عظيم ولا حاجه بس لانها كانت فتاه احلامى فالاعدادى فاعتبرته عظيم
التقييم الفنى:-3/5
التقييم الوطنى:-4/5
المتوسط:-3.5/5

انا عندي مبالغه فالتقدير والحب لاي فيلم عربي كويس وكنت اتمني اني احب الفيلم ده بس مقدرتش الحقيقه لان الفيلم سئ جدا الفيلم مفتقد لهويته انه فيلم كويتي بنسبه 100% مش عارف ليه اي حد بيتوفرله الفلوس والامكانيات بيعمل افلام من النوعيه دي محاوله تقليد الافلام الهولووديه دي تقريبا عمرها مانجحت ده حتي بيتر ميمي لما بينحت فيلم بيمصره لكن المخرج هنا كان عاوز يصنع فيلم هولودي ونجح فعلا لان لو الممثلين اتكلموا انجليزي كنت هفتكره فيلم امريكي سئ ده حتي من كتر التقليد في مشهد لممثل كبير فالسن قاعد فبيته ولما طلع فلوس من جيبه كانت دولارات ياراجل دا انت عملتك تفشخ الدولار