Joker

Joker ★★★★½

This review may contain spoilers. I can handle the truth.

This review may contain spoilers.

"You get what you fucking deserve"
- حرق بسيط لـ بلوت الفيلم، مش أكثر من حدث أو إثنين -
في البداية الفيلم دة من بداية الإعلان عنه حاولت أحط أقل توقعات ممكنة و مكنتش مهتم الصراحة إني حتي أشوفه لأنه بعيد عن الـDCEU، و اللي كان في وقته في أسوأ حالاته، بعد إعلان إن Joaquin Phoenix هيكون البطل و إعلان التريلر الأول بقيت إنترستد و بعد التريلر الأخير بقي عندي سقف طموحات عالي و لحسن الحظ مخيبنيش.

الفيلم بيتكلم عن أرثر فليك، الچوكر، الفيلم في العام مش بيتكلم عن الجوكر و لكن دراسة شخصية لـ أرثر، مشابه لـ تاكسي درايفر، Origin Story لشئ أصلًا غير موجود في الكوميكس، طوال الفيلم بنشوف الأسباب المختلفة اللي بتتسبب في تحول أرثر للچوكر و ظلم المجتمع له لكن كله من وجهة نظره، الفيلم كله من وجهة نظر أرثر حتي لو شئ حصل أرثر مش عالم بيه مش بنشوفه علي الشاشة، أرثر معتل نفسيًا و مصاب بعدة أمراض نفسية أهمها الـ Pseudobulbar affect -حقيقة أنا عملت سيرش عن الأمراض اللي إتكلموا عنها في الفيلم و طلعت حقيقية و أنا سعيد إنهم قدروا يمثلوها just right- اللي بيخليه يضحك في أوقات غير مناسبة و اللي في جوثام أكيد هيسببله مشاكل كثير، بنشوف أرثر عايش مع أمه، أحلامه هي إنه يكون كوميديان و يظهر في برنامجه المفضل، لكن طبعًا المجتمع له رأي أخر. -أنا معنديش فكرة أنا إزاي بستخدم الكلمة دي أن أيروناكلي-


الفلم بدأ بأغنية That's Life بتاعت Frank Sinatra، و Send in The Clowns و اللي كانوا هيئوا جو الفيلم just right، أول حاجة لاحظتها لما بدأ الفيلم هي الساوندتراك، موسيقي مش صاخبة لكن مناسبة للمود بالظبط، علي مدار الفيلم كانت التراكس intense حتي في المواقف اللي مش محتاجة دة علشان تحسسك بإحساس uncomfortable طوال الفيلم و حقيقة فيلم زي دة لشخصية زي دي كان أكيد محتاج كدة لأن مفيش داعي إن المشاهد يحس بإرتياح و هو بيتفرج علي معتل نفسي بيـsnap بسبب أحداث الفيلم.

الكلام عن الكاست هيكون غريب لأن الفيلم متكون من Joaquin Phoenix فقط، الشخصيات المساعدة حتي لو خدت وقتها لكن كل دة إحنا عايشين في عقل أرثر.
واكين في الفيلم دة حقيقة أنا كنت متقلق من كون شخص كبير في السن هيمثل الشخصية في بداية سنها، لكن حقيقة دة أفضل چوكر أنا شفته في السينما حتي الأن، الضحكات المتقطعة اللي كان بيقدمها و الصوت الغريب الكريبي و تعابير وشه اللي بتتغير في أقل من ثانية كانت مناسبة للدور perfectly، خلينا مننساش إن واكين من أفضل ممثلين أخر ٢٠ سنة بأفلام زي Gladiator، Her، You Were Never Really Here، Walk the Line و غيره من الأفلام اللي أدي فيها أداء إستثنائي.
لكن بالنسبة للشخصيات المساعدة و هيكون غريب إني أتكلم عن دي نيرو كـ شخصية مساعدة و لكنه كان الدور المناسب لـ دي نيرو، دي نيرو إتعلن عن مشاركته في ٣ أفلام السنادي أنا كنت مستغرب من أدواره في ٢ منهم - Joker و Once Upon A Time In Hollywood -، كان بيلعب دور مقدم البرنامج الكوميدي اللي كان أرثر بيحلم يظهر فيه، و اللي كان من أسباب إنهيار أرثر التام، دي نيرو كالعادة قدم أداء كويس و مناسب جدًا للشخصية، باقي الشخصيات مظهرتش سكرين تايم أكثر من ٥ دقائق فـ مقدرش أتكلم بالتفصيل عنها إلا لما أشوف الفيلم تاني.

- حرق لأحداث للفيلم، عدي للفقرة الي بعدها لو مشفتش الفيلم -

تحور الفيلم عن الكوميك بوك الأصلية شئ ممتع هنا، في البداية زي ما قلت مفيش شخص موجود بإسم أرثر فليك علي إنه الجوكر، لكن في التايم لاين دة، جوثام كالعادة فاسدة من البداية، الغريب هنا إن عائلة واين برضه فاسدة، بنشوف توماس واين بيترشح لعمدة المدينة لمصالحه الشخصية، الإرتباط الوثيق بين عائلة واين و عائلة فليك و كل دة كان ممتع جدًا إني أشوفه في السينما أو علي أي adaption للجوكر في أي مكان.
التغيير المفاجئ لأورچين ستوري باتمان كان عظيم فشخ، معتقدش واكين هيعمل سيكول أو غيره للفيلم لكن قتل والدي باتمان بسبب ثورة الجوكر اللي حصلت كان تغير فريش و جميل في قصة باتمان و الجوكر و بتمني يتعمل منه يونفيرس جديد لأفلام دي سي.


بصراحة تنفيذ الفيلم كان - و بدون مبالغة - ماستربيس، تود فيليبس معتقدش إنه هيعدي نفسه تاني بـ فيلم زي دة، من القصة، للساوندتراكس، السينماتوجرافي - و اللي بالمناسبة كانت غريبة بالنسبة للـ Cinematographer اللي معظم أفلامه كانت shallow بالنسبة للحاجة دي - العنف المضبوط و عمق الشخصيات، فيه بعض البلوت تويستس اللي كانت متوقعة لكن صدمتني برضه لأنها أوفر إنها تحصل علي الشاشة لكن الفيلم كان كله daring.

الشئ الوحيد اللي الفيلم يتلام عليه حاجتين، التغيير المفاجئ لـ سرعة الأحداث من بداية لمنتصف لنهاية الفيلم، في البداية الفيلم كان واخد وقته علشان ينضج، لكن بعد مرور نصف ساعة بدأت الأحداث تتسرع بطريقة غريبة و لكن مقبولة، و رجع الريثيم الطبيعي بعد مرور ساعة من الفيلم.
الحاجة الثانية هي التضخيم من واحدة من الـclimatic moments و اللي كانت في المترو و أساس نهاية أحداث الفيلم عمومًا، لكن التضخيم منها كان ضروري علشان الـsnap بتاع أرثر يحصل.

طبعًا هتستني تقارن هيث ليدجر بـ واكين فينيكس، حابب أقول بس، لأ.

الفيلم ممتع جدًا و عظيم، ينصح جدًا بالمشاهدة، و حتي الأن أفضل فيلم شوفته في ٢٠١٩، غير أي فيلم كوميك موجود أو هيتعمل قريب

9.5/10

Block or Report