Tenet

فيلم فكرته مبتكرة ومشوقة، ومعالجتها سيئة ومزعجة، والمغزى سخيف ومكرر
فيه جملة بالفيلم بتقول don't think it, feel it

وفعلا اول عشرين دقيقة مثلا كان الفيلم ممتع، بس الموضوع ما بيحمل اكتر من عشرين دقيقة من حوارات التيك توك المتواصلة ومن الشخصيات الي صعب نعتبرهم بشر طبيعيين اصلا، الشخصية الوحيدة الي شبه طبيعية هي شخصية باتينسون وهيدا بسبب اداء باتينسون نفسه، كيف بدنا نشارك رحلة البطل وانت عاطينا جانب واحد من شخصية البطل بدون اي عمق او دوافع او اي شي ، هيدا غير شخصية الشرير الي من اسوء الشخصيات الي شفتها عموما ، وقصة زوجته وابنها الكليشيه والذكورية لأبعد درجة

السبب الوحيد الي الواحد ممكن يكمل الفيلم هو ان يعرف الغموض المتعلق بالرجوع بالزمن، بس حتى هاي ما كانت مكافئة بالاخر واخدت ابعاد رمزية سخيفة ومكررة بافلام نولان نفسه

في لحظات جميلة بالفيلم الي هو التصوير بس كمان ما كان مثالي ومعظم اللحظات الممتعة انحرقت بالتريلر اصلا والصوت الكابوسي المزعج الي خلاني غمص عيني عن كل شي كان ممكن يكون حلو

تجربة محبطة

Moss liked these reviews

All