The Platform

The Platform ★★★½

الاكل في المكان ده عظيم

المكان مش كبير و قعدته لطيفة و الناس هناك بشوشة 💕

جربنا عنده كذا ساندوتش برجر محترم أعظمهم هو الPO burger اللي كان من كتر مكوناته هتحس انك مش عارف مصدر العظمة دي فين بالظبط
الساندوتش كان مليان لحم مفروم بيبظ م الساندوتش ده غير قطعة البرجر ال200 جرام و البيف بيكون و كان عليه صوص مديله taste عالمي و ده بقى البرجر المفضل عندي 😋
جربنا عندهم الavocado burger و الaubergine burger برجر و كانوا حلوين جدا و طعمهم فعلا جديد علينا بس برجر البتنجان ده محتاج حد بيحب البتنجان لأنه كان غرقان فوق و تحت البرجر بتنجان 😅😅
جربنا برضه ساندوتشات الفراخ منها الكرسبي اللي كان متوصين بالجبنة بتاعته و التندوري اللي عبارة عن صدور فراخ تتبيلتها مدياها لون احمر و طعم التتبيلة ظاهر جدا فيها و بنفس التتبيلة عاملين chicken wings مشوية ع الجريل عظيمة و بتتقدم مع صوص الباربكيو
جربنا عندهم برضه الmozarella sticks و ال chili con corne fries و دي تقريبا أعظم fries كلتها في مكان برجر و السر ف ده الquality بتاعة الجبنة كانت رهيبة و البطاطس مقرمشة مع اللحم المفروم حكااااية 🍟😍😋😋🤤
آخر حاجة جربناها كان ساندوتش السوسيس العملاق اللي متغرق كاتشب و مسطردة و مليان من أوله لآخره 👍🏻

لازم تجرب الPO burger و ال chili con corne fries و التندوري لأن تتبيلته مميزةو مختلفة