Cruella

Cruella ★★★★

أهم ما يميز الممثل الكويس، إنه كويس على طول.

بمعنى إنه مش لازم يقدم أفلام درامية عشان يقدر يطلع قدراته التمثيلية، الممثل الحلو حلو في الكوميدي، الدراما، الرومانسية، أكشن إذا قدراته الجسدية تسمح، يقدم شخصيات سوداوية، خفيفة، معقدة وحتى شخصيات سطحية!
الممثل الحلو يمثل أي حاجة وفي أمثلة كتير على كدة، زيهم "إيما ستون".

كوريلا فيلم تجاري من إنتاج ديزني مقتبس من الشخصية الشريرة في فيلم 101 Dalmatians

عدد كبير جداً من الممثلين بينظروا للأفلام التجارية على أساس إنها حاجة تافة مُجرد مصلحة بنجيب منها فلوس ومابتحتجش مجهود كبير، ودة بينتج بسببه كمية أعمال عشوائية كبيرة جداً لا ترتقي لأن يتقال عليها أفلام.
بس لو بصينا على الممثلين الأسطوريين هنلاقي الأعمال التجارية إللي كانت زو جودة عالية واخدة رصيد كبير جداً عند المشاهدين، وكلنا متعلقين بيها، وإللي بيرفضها هو الخسران.

شخصية كوريلا في الفيلم دة كانت مكتوبة كويس جداً ومرت بعديد من المراحل كلها أجمل من بعض، أظهرت إيما ستون جودة عالية فيها من خلال تنقلها مابين الكوميديا والدراما وحتى في المشاهد الحركية حتى لو كانت قليلة (كانت باد آس) في مشاهد كتير.

كنت في البداية متخوف من مدة الفيلم إللي كنت شايفها طويلة على فيلم زي دة، بس محستش بأي مط أو تطويل، القصة كانت غنية وكان فيها كتير يتحكي.

المؤثرات البصرية ممتازة لكن أكتر شيء مبهر في الفيلم هو تصميم الأزياء، خرافي والأجمل إنه في لندن إحنا زهقنا من ربط الموضة بباريس.

والثلث الأخير هو الأفضل فنياً والأمتع على مستوى الحركة.

كوريلا فيلم صالح لكل الأجيال والأعمار ممتع، مُسلي، مبهبر في بعض الأوقات والأهم من كل هذا إنه ريوتشبل جداً بعد كدة.

𝑆𝑖𝑟𝐵𝑒𝑠ℎ𝑖𝑟 ♤ liked this review