A Quiet Place Part II

A Quiet Place Part II ★★★★

sequel افلام ال
دايما باحسها عملية إنتحارية، إستغلال نجاح وشعبية الجزء الأول في إنتاج اجزاء تانية مش دايما بيكون قرار صحيح.

إفتتاحية الجزء التاني اكتر من هايلة ، ذكاء المخرج اللي عرف يخفي بعض الكروت لوقت الحاجة ليهم وكمان يستخدم غيابهم بذكاء عجبني جدا ، بدليل إنه قبل إنتهاء الإفتتاحية هاتحسوا إنكم حبيتوا الفيلم وراضيين عنه وقيمتوه تقييم مرتفع .....

كمان المحتوي عجبني برغم إن الإبهار في الجزء الأول كان عامل كبير في إعجابي بالفيلم ، ولكن علي الأقل المستوي لو لم يكن أعلي فاكيد مش أقل ورايي الشخصي إنه تقريبا مماثل ومشابه من حيث الفنيات بس بأفكار مختلفة.

هاعتبره إستمرار لنجاح الجزء الأول ومبسوطة إنه أخيرا تم إصداره ويارب مايكونش طول إنتظاره سبب في إرتفاع سقف توقعات المشاهدين وتقييمهم السلبي للفيلم.

Sarah_Ali liked these reviews